Zientzien eta Teknologia berrien kluba

Teknologia berriek gero eta garrantzi handiagoa dute gure gizartean, bizitzaren arlo guztietan: prestakuntzan, enpleguan, baita egunerokotasunean aurrera egingo badugu ere.

Gaur egun, dagoeneko, “analfabetismo teknologikoaz” hitz egiten dugu teknologia arloan prestakuntza minimoa ez duten pertsonak izendatzeko, gutxieneko ezagutza eza horrek gizarte-harremanak edo heziketa- eta lan-aukerak murrizten dizkienean.

Zientzia eta Teknologia Berrien Klubak, harremanean eta jolasean oinarritutako jolasa bidezko heziketaren bitartez, prestakuntza-jarduerak garatzen ditu arlo horretan. Horrela, haur, gazte eta adinekoen interesa piztu nahi da, bai heziketaren alde, baita informazioaren teknologiak erabiltzearen alde ere.

Klub horretan jolasari lehentasuna ematen bazaio ere, jolas eta jarduera bakoitzaren oinarrian gaur egun guztiz errotuta dauden balioen eta jarreren heziketa-proposamenera hurbiltzeko asmo irmoa dago: irakurketaren aldeko interesa piztu, kultur eta hizkuntz aniztasuna onartu eta horretaz gozatu, osasuna zaintzeari begirako heziketa,, ingurumena zaindu, artearen aldeko interesa piztu, edo zientzia- eta kultur diziplinetan esperimentatzearen aldeko grina.

Helburuak

Zientzia eta teknologia berriekin lotura duten jarduerak sustatu.
Jolasetik abiatuta, gazteak berrikuntza informatikoetan murgilduko dituen heziketa-proiektua garatu.
Teknologia berrien arloan ezagutzak eskuratu eta trebetasunak garatu.
Teknologia berriak txoko guztietara zabaldu, eta herritarrei garapen teknologikoak hezkuntzaren, kulturaren eta, oro har, ongizatearen garapena dakarrela ulertarazi.
Gazteen eta adinekoen lotura sustatu, eta bi adin-maila horien arteko komunikazio arina bultzatu.
Haur, gazte eta adinekoen garapena eta autonomia bultzatu informazioaren gizartean.
Ordenagailua erabiltzen, testuak lantzen, interneten nabigatzen eta posta elektronikoa erabiltzen ikasi, eta abar.
Azken teknologiak baliatuz (internet, bideokonferentziak, eta abar), gure gazte eta adinekoak Europako beste gazte eta adinekoen entitateekin komunikatzea eta esperientziak trukatzea bultzatu.
Bitarteko teknologiko berrietara iristea eta bitarteko horien aberastasuna baliostea ahalbidetuko duten oinarrizko kontzeptuen topaketa eta erabilpen gunea sortu.

Parte-hartzaileak

Proiektu honen jarduerak haur, gazte eta adinekoei (hala nahi dutenei) zuzenduta egongo dira. Zientzien eta Teknologia Berrien Klub honen helburuak kontuan hartuta, arestian aipatutako talde horien banaketa honako hau izango da:

1. Multzoa

6 urtetik 8ra bitartean

Heziketarako CD-ROMak, Ingurumen Gela, naturarekiko hurbiltasuna, eta abar.

2. Multzoa

9 urtetik 12ra bitartean

Oinarrizko gaitasun informatikoak, webean nabigatzen, eta abar

3. Multzoa

13 urtetik 15era bitartean

Web orriak diseinatu, interneten nabigatzeko trebezia eskuratu, eta abar.

4. Multzoa

16 urtetik 18ra bitartean

Web orriak diseinatu, gailu digitalak erabili: argazkiak, bideoa, musika, eta abar.

5. Multzoa

18 urtetik 30era bitartean

CD-ROMak eta web orriak editatu; bideo eta musika digitala editatu; azken teknologiak erabiliz, Europako gazte-taldeekin harremanak garatu; entitatearentzako liburuxkak, kartelak eta argitalpenak editatu; eta abar.

6. Multzoa

adinekoak

Oinarrizko gaitasun informatikoak, webean nabigatu, eta abar.

Jarduerak

Oinarrizko gaitasun informatikoak erabili.
Web orriak sortu.
Bideo digitalak editatu.
Musika elektronikoa editatu.
Interneteko bitartekoak baliatu.
Teknologia berriek aukeran ematen dituzten multimedia-bitartekoak baliatu.
Teknologia berrien arloan ekintzak garatu, eta partaideak ingurumenaren eta teknologiaren arloan trebatu.
CD-ROM eta DVD euskarrian editatu.
Informazio-iturri digitalak erabili: audioa, argazkia eta bideoa.
Komunikazio digitalak berezkoak dituen tresnak erabili: web orria eta posta elektronikoa.

Arautegia

Bilaketak, klub honen bitartez, bere haur, gazte eta adinekoen esku jartzen dituen baliabide informatikoak heziketarako eta jolaserako dira, soilik. Haur, gazte eta adineko horiek ezin izango dituzte erabili, inola ere, merkataritza, publizitate edo propaganda helburuarekin.

Erabiltzaile guztiek, datu pertsonalak babesteari buruz indarrean dagoen arautegian jasotakoa betez, informatika-sistemetarako atzipen baimendu gabeak ez egiteko, eta informazioa ez aldatzeko edo manipulatzeko konpromisoa hartzen dute.

Argitalpenak