Gorputzaren eta buruaren gaineko kontrola berreskuratzea da asmoa, yogaren, buru-laxapenaren, igeriketaren, sofrologiaren, gorputz-adierazpeneko tekniken eta ongizate eta gogobetetasun pertsonala bultza dezakeen beste edozein jardueraren bitartez.

Kultur pobreziari edo ezagutzen eskuratze-geldialdiari aurre egiteko, arlo honetatik adinekoen, taldeen eta/edo komunitatearen gizarte- eta kultur bizitza dinamizatu nahi da.

Denbora libre ugari dagoela kontuan hartuta, arloaren helburua adinekoei denbora hori sormenez eta atseginez bizi dezaten trebatzea da, eta irudimena, gaitasun artistikoa eta estetikoa, eskulan-gaitasuna, jolas-balioak eta elkarbizitzarako izaera garatzera zuzendutako ekintzetan parte hartzera bultzatu. Halaber, bakardadeari eta bakartzeari aurre egiteko, giza harremana eta komunikazioa ere bultzatu nahi dira.